Кечиктирилип аныкталган оорулардын пайда болушу саламаттык сактоо тармагындагы негизги көйгөйлөрдүн бири болуп калууда
Саламаттык сактоо министри Каныбек Досмамбетов жакында эң ири жеке лабораториялардын бирине барып, иштин уюштурулушу, сапатты контролдоо системасы жана лабораториялык изилдөөлөрдүн бардык этаптарында санариптик технологияларды киргизүү менен таанышкан. Визит учурунда министр Бишкекте заманбап мамлекеттик мекеменин түзүлүшү боюнча долбоорду иштеп чыгуу тапшырмасын берди, деп билдирет Саламаттык сактоо министрлигинин басма сөз кызматы.
Жүргүзүлүп жаткан реформалардын алкагында бирдиктүү стандарттар системасын, жогорку технологиялык жабдууларды, санариптик инструменттерди жана оптималдашкан логистиканы камтыган долбоор иштелип чыгууда.
Изилдөөлөрдүн сапатына жана медициналык мекемелер менен өз ара аракеттенүүгө негизги көңүл бурулат.
Визит жумушчу мүнөздө болуп, мамлекеттик лабораториялык системаны түзүүдө эске алынуучу мыкты практикаларды изилдөөгө багытталган. Негизги басым диагноздун ылдамдыгын жана тактыгын жакшыртууга коюлган.
Министрдин белгилөөсү боюнча, саламаттык сактоо тармагындагы эң оор көйгөйлөрдүн бири оорулардын кечиктирилип аныкталышы, анын ичинде злокачестволук шишиктер болуп калууда.
Пациенттер көп учурда III–IV стадияларында медициналык жардамга кайрылышат, бул лабораториялык диагностикасынын жеткиликтүүлүгүнүн жана өнүгүшүнүн жетишсиздиги менен байланыштуу.
«Бул убакытты жоготууга жана ийгиликтүү дарылануу мүмкүнчүлүктөрүн төмөндөтүүгө алып келет. Так диагноз — бул ийгиликтүү дарылануунун жарымы. Оорулардын убагында аныкталышы үчүн өлкөгө күчтүү лабораториялык база керек», — деп баса белгиледи Досмамбетов.
Долбоор заманбап диагностикалык жабдуулар менен жабдылган лабораторияны нөлдөн курууну, ошондой эле медициналык маалыматтарды иштеп чыгуу үчүн өзүнүн логистикалык системасын жана санариптик платформасын түзүүнү камтыйт.
Ошондой эле борбордук лаборатория менен бирдиктүү системада иштеген регионалдык бөлүмдөрдүн тармагын уюштуруу пландалууда.
Жаңы модель анализдерди өткөрүү убакытын кыскартууга, натыйжалардын тактыгын жогорулатууга жана лабораториялар менен клиникалар ортосунда маалымат алмашууну жеңилдетүүгө мүмкүндүк берет, министрликте белгиленгендей.
Сүрөт www
