Кыргызстанда Эл аралык мектеп тамактануусу күнү менен байланышкан иш-чаралар башталды, деп маалымдады Бишкекиде БУУнун Тамак-аш программасы.
Бул иш-чаралар Билим берүү министрлиги, БУУнун Тамак-аш программасы жана Россиянын тармактык тамактануу институту менен биргеликте уюштурулган.
18-марттан 27-мартка чейин Чүй жана Жалал-Абад облустарында «Көзгө көрүнбөгөн баатырлар» аттуу уникалдуу билим берүү акциясы өтөт. Ал интерактивдүү тапшырмаларды камтыйт, алар тамактануу бөлүмүнүн кызматкерлерине чыгарылган чыгармачыл «досье» менен аяктайт.
Ден-соолукка пайдалуу тамактануу жумалыгын өткөрүү үчүн эки мектеп негизги жай катары тандалды:
- Чүй облусундагы Байтик Канай уулу атындагы жалпы билим берүү мектеби (Аламедин району).
- Манас шаарындагы Р. Санатбаев атындагы №9 жалпы билим берүү мектеби.
Эки жума бою 4-класстын окуучулары, улук класстын кураторлору менен биргеликте, оюн механикалары, командалык тапшырмалар жана физикалык активдүүлүк аркылуу билим алышат. Ар бир сабактын аягында ар бир бала «Ден-соолукка пайдалуу тамактануу жөнүндө билим берүү оюндары» чыгарылышын алат, аны үйдө ата-энелери менен аткарыша алышат.
Кичинекей окуучулар «агенттер» болуп, мектеп тамактануусунун «көзгө көрүнбөгөн баатырлары» тууралуу маалымат чогулташат. Алар ар кандай декоративдик-колдонмо искусство техникасында жасалган ашпозчулар жана ашкана кызматкерлеринин портреттери – «фотороботторду» түзүшөт. Бул «иликтөөгө» катышуу менен жаш агенттер күн сайын мектеп плитасынын алдында эмгектенгендерге жаңыча көз караш менен карап чыгуу мүмкүнчүлүгүнө ээ болушат.
Проекттин уюштуручулары балдардын мектеп тамактануусуна болгон көз карашын өзгөртүү жана тамактануу бөлүмүнүн кызматкерлерине болгон урмат-сыйды өнүктүрүү боюнча маанилүү социалдык миссияны коюп жатышат, анткени алардын эмгеги көп учурда көзгө көрүнбөй калат.
