Системаны реконструкциялоого республикалык бюджеттен 62 миллион сомдон ашык каражат бөлүнгөн. Долбоордун алкагында 15 километрден ашык суу түтүктөрү орнотулуп, ар биринин көлөмү 300 кубометр болгон эки темир-бетон резервуар курулган.
Санитардык коопсуздукту жогорулатуу үчүн айылда сууну дезинфекциялоого арналган заманбап бактерициддик жабдуулары бар атайын имарат курулган. Ошондой эле долбоордун алкагында 12 өрт гидранты жана 600 жеке суу өлчөгүч орнотулуп, суу пайдаланууну эсепке алууга жана коопсуздукту камсыз кылууга жардам берет.
Жаңы системанын ишке кириши менен 600 үй-бүлө азыр сапаттуу жана коопсуз ичүүчү суу алууда. Профильдик мекемеде бул объекттин пайдаланууга берилүүсү айыл тургундарынын жашоо жана турмуш шарттарын жакшыртып гана тим болбостон, региондун мындан аркы экономикалык өнүгүүсүнө негиз түзөөрүн белгилешти.
