Депутат белгилегендей, суу сактагычтардан жана ГЭСтен чыккан суунун 80% жакын бөлүгү Казакстанга жана Өзбекстанга кетет
Жогорку Кеңештин профилдик комитетинин жыйынында депутат Умбеталы Кыдыралиев кыргыз ГЭСтери жана суу сактагычтарынан келип жаткан ресурстардын чоң бөлүгү коңшу мамлекеттер тарабынан колдонулуп жатканын айтып, бул Кыргызстан үчүн компенсацияланбаган экономикалык жоготууларга алып келерин билдирди.
«Мен изилдеген маалыматтарга ылайык, биздин суу сактагычтардан чыккан суунун 80% жакын бөлүгү Казакстанга жана Өзбекстанга кетет. Бирок, суу сактагычтардын дайыма оңдоп-түзөө, кармоо жана дамбаларды бекемдөө иштерин талап кыларын эске алышыбыз керек. Биздин коңшулар бул жоготууларды компенсациялоого милдеттүү. Бул эл аралык укук тарабынан таанылган жалпы кабыл алынган норма. Мисалы, АКШ Канадага суу үчүн төлөйт, Германия болсо Швецияга», — деди Кыдыралиев.
Жооп катары суу ресурстары, айыл чарба жана кайра иштетүү өнөр жайы министри Бакыт Торобаев Өзбекстан Ала-Букадагы суу сактагычтын кармалышын жана оңдолушун каржылап жатканын белгиледи.
Ал ошондой эле, Казакстан Киров суу сактагычын оңдоого муктаждык болсо колдоо көрсөтүүгө даяр экенин кошумчалады. Бирок, министрдин белгилегенине караганда, президент Садыр Жапаров коңшулардан бул иштер үчүн каражат сурабаш керектигин тапшырган.
«Биз өзүбүз зарыл оңдоо иштерин жүргүзөбүз. Эгер биздин өнөктөштөр бул процесске катышкысы келсе, биз каршы эмеспиз, бизде тиешелүү келишимдер бар», — деди Торобаев.
Сүрөт www
