Документ Казакстан жана Кыргызстан аймактарын камтыйт, туристтик кластерлерди өнүктүрүү, транспорттук байланыштарды жакшыртуу жана коридор боюнча инвестициялык долбоорлорду баштоо максатын коюп жатат.
Мастер-планды сунуштоого арналган иш-чарага Экономика жана соода министрлиги, Туризм департаменти, ошондой эле Чүй жана Ысык-Көл облустарынын администрациялары, бизнес коомчулугу жана эл аралык уюмдардын өкүлдөрү катышты.
Документтин биринчи редакциясы 2019-жылы бекитилген, ал эми жаңыланган версия пандемиядан кийинки туристтик рыноктогу өзгөрүүлөрдү эске алып, туруктуулукту жогорулатуу үчүн жаңы элементтерди киргизет.
Жаңы пландын негизги багыттары төмөнкүлөрдү камтыйт:
- экотуризмди өнүктүрүү жана экологиялык жактан коопсуз инфраструктураны түзүү;
- альтернативдүү энергия булактарын киргизүү жана көмүртектин изин азайтуу;
- чек арадагы процедураларды санариптештирүү жана транспорттук байланыштарды жакшыртуу;
- чек ара аралык туристтик маршруттарды түзүү.
Круглый столдун катышуучулары негизги инициативаларды жана флагмандык долбоорлорду талкуулашты. Бул мастер-планды ишке ашыруу эл аралык каржы мекемелеринен, мамлекеттен жана жеке сектордон инвестицияларды тартат деп күтүлүүдө.
Алматы — Бишкек экономикалык коридору регионалдык интеграция жана Борбордук Азияда туризмди өнүктүрүү үчүн стратегиялык мааниге ээ долбоор катары каралууда.
