Расмийдин пикири боюнча, бул демилгенин ишке ашырылышы фермерлердин түшүм жоготуу маселесин чечүүгө жардам берет. Азыркы учурда атайын сактоочу жайлардын жетишсиздигинен улам, продукциянын маанилүү бөлүгү жоголууда. Жаңы складдар түшүмдүн сакталуусун камсыздап, кайра иштетүү жана эл аралык рынокторго чыгуу үчүн шарттарды түзөт.
«Министрлик фермерлерге, агробизнесмендерге жана кайра иштетүүчүлөргө складдарды куруу процессинде толук колдоо көрсөтүүгө даяр. Объектилерди эл аралык стандарттарга ылайык куруу агроөнөр жай комплексинин натыйжалуулугун жогорулатууга жана өлкөнүн азык-түлүк коопсуздугун бекемдөөгө стратегически маанилүү кадам», — деп белгиледи Бакыт Торобаев.
Программа агросекторго ар тараптуу колдоо көрсөтүүнү жана жаңы жумуш орундарын түзүүнү камтыйт.
Проект мамлекеттик-менчик өнөктөштүк механизми аркылуу инвесторлорду тартуу менен ишке ашырылат.
Суу ресурстары, айыл чарба жана кайра иштетүү өнөр жайы министрлиги долбоорду толук коштоп, долбоорлоо, куруу, пайдалануу жана объектилерди сертификаттоо боюнча кызмат көрсөтөт. Ведомствонун адистери ошондой эле запастарды башкаруу жана логистикалык чынжырларды түзүү боюнча консультацияларды сунушташат. Бул долбоорду ишке ашыруу натыйжасында фермерлер өз кирешелерин кыйла көбөйтүп, финансылык жоготууларын азайта алышат, деп эсептешет министрликте.
