Жолугушуунун жүрүшүндө Кыргызстан менен АКШнын ортосундагы саясий жана экономикалык кызматташтыктын багыттары, анын ичинде транспорт, санариптештирүү, финансылык технологиялар, жасалма интеллект жана саламаттык сактоо талкууланды.
Президент Кыргызстан Америка Кошмо Штаттары менен өз ара пайдалуу жана тең укуктуулук принциптерине негизделген эки тараптуу жана көп тараптуу кызматташтыкты өнүктүрүүгө кызыкдар экенин белгиледи.
Кыргыз Республикасынын президентинин администрациясынын сүрөтү.
Садыр Жапаров чет өлкөлүк өнөктөштөр менен соода-экономикалык жана инвестициялык байланыштарды күчөтүү Кыргызстандын тышкы саясатынын негизги приоритеттеринин бири экенин белгиледи. Ал ошондой эле эки өлкөнүн ортосунда экономикалык өз ара аракеттенүүнү активдештирүү үчүн чоң мүмкүнчүлүктөр бар экенин айтты.
Кыргыз Республикасынын президентинин администрациясынын сүрөтү.
Серджио Гор жылуу кабыл алганы үчүн ыраазычылык билдирип, Кыргызстан президентине Дональд Трамптан саламдары жана эң жакшы каалоолорун жеткирди. Ал Америка Кошмо Штаттарынын Кыргызстан менен бардык кызыкчылыктарды камтыган багыттар боюнча активдүү кызматташууга даяр экенин билдирди.
Кыргыз Республикасынын президентинин администрациясынын сүрөтү.
Ал ошондой эле Бишкекке Америка Кошмо Штаттарынан "B5+1" форумуна катышуу үчүн ири бизнес делегациясы келгенин билдирди, бул эки өлкөнүн ортосундагы экономикалык кызматташтыкты өнүктүрүү үчүн ыңгайлуу шарттарды түзөт.
Кыргыз Республикасынын президентинин администрациясынын сүрөтү.
Андан кийин Садыр Жапаров менен Серджио Гордун ортосунда америкалык бизнес өкүлдөрүнүн катышуусунда дагы бир сүйлөшүү болду.
