Гендердик баланска жетүү максатында президент Садыр Жапаров «Кээ бир жарлыктарга өзгөртүүлөрдү киргизүү жөнүндө» жарлыкка кол койду. Бул документ саясий жана муниципалдык кызматтарды ээлөө үчүн башкаруучу кадрлардын резервин түзүүгө гана эмес, ошондой эле мамлекеттик жана муниципалдык башкаруу системасында аялдардын катышуусун көбөйтүүгө багытталган. Ошондой эле мамлекеттик кызматтагы кадрдык потенциалда мүмкүнчүлүктөрдүн теңдиги жана адилеттүү атаандаштык принциптерин ишке ашыруу үчүн туруктуу институттук шарттарды камсыз кылуу маанилүү.
Кадр резервин түзүү боюнча инициативанын алкагында төмөнкү чаралар каралган:
– бир жыныстын өкүлдөрү 70% дан ашпаган квоталоо системасын киргизүү;
– кадр резервинде аз өкүлчүлүккө ээ жыныстагы талапкерлерге артыкчылык берүү менен гендердик балансты жетишүү;
– аял-лидерлер үчүн жетекчилик кызматтарга тең мүмкүнчүлүктөрдү түзүү жана профессионалдык жөндөмдөрдү өнүктүрүү, ошондой эле салттуу гендердик стереотиптердин таасирин азайтуу.
Президенттин жарлыгына ылайык, 2027-жылга чейин башкаруучу резервге кирген талапкерлердин арасында аялдардын үлүшү 30% дан кем болбошу керек.
Ошондой эле бардык мамлекеттик жана муниципалдык органдарда жетекчилик кызматтардын кеминде 20% ын аялдар ээлеши керек, 2030-жылга чейин 30% га жетүү максатында.
Жарлык кол коюлган күндөн он күн өткөндөн кийин күчүнө кирет.
