Бул мекеменин маалыматы боюнча, товарларды кайтарып алуу коопсуздукту камсыздоо максатында жүргүзүлгөн, анткени чийки заттын бир компонентинде цереулид токсини болушу мүмкүн.
Текшерүү алкагында 13 дүкөн текшерилип, алардын төртүндө «Nestlé» маркасындагы балдар тамагы табылган. Бул учурларда продукция сатуу үчүн алынып салынды, ал эми соода түйүндөрүнүн ээлерине аталган бренддин товарларын убактылуу сатпоо сунушталды.
Тутунучуларга продукциянын аталышын жана өндүрүш датасын кылдаттык менен текшерүүнү сунушташат. Эгер алар кайтарылып алынган партиялар менен дал келсе, бул продукцияны колдонбоо сунушталат.
Мурда Кыргызстандын Саламаттык сактоо министрлигинин мамлекеттик санитардык-эпидемиологиялык көзөмөл департаменти «Forester» ОсОО компаниясынан балдар тамагынын белгилүү партияларын коопсуздук максатында өз ыктыяры менен кайтарып алуу тууралуу расмий билдирүү келгенин маалымдаган.
Кайтаруу NAN 1 OPTIPRO, NAN OPTIPRO 2, NAN EXPERTPRO, NAN 2 OPTIPRO, PRENAN жана NAN LACTOSE FREE бренддери боюнча конкреттүү өндүрүш даталары менен кургак тез эритилүүчү сүт, сүт кислоталуу жана лактозасыз аралашмаларга тиешелүү.
Департаментте билдиришкендей, өз ыктыяры менен кайтарып алуу тууралуу билдирүү «Нестле» балдар тамагынын дистрибьюторунан — ОсОО «Forester» компаниясынан келген.
Мекемеден билдиришкендей, кайтаруу чийки затта, өзгөчө арахидон кислотасында, цереулид токсининин болушу мүмкүн болгондуктан жүргүзүлүүдө. Официальдуу дистрибьютор Кыргызстан боюнча соода түйүндөрүнөн аталган партияларды алууга киришти.
Департамент ошондой эле тутунучуларга балдар аралашмаларынын аталышын жана өндүрүш датасын текшерүүнү сунуштайт. Эгер алар кайтарылып алынган партиялар менен дал келсе, дароо колдонууну токтотуп, дистрибьюторго кайрылып, кайтарууну суранышы керек.
Өндүрүүчү кайтаруу чектелген партияларга тиешелүү экенин, анда цереулид токсини болушу мүмкүн экенин билдирет.
Цереулид — Bacillus cereus бактериясынын кээ бир штаммдары тарабынан өндүрүлгөн токсин, ал жогорку температураларга туруктуу. Зарарланган продукцияны колдонгондо пайда болушу мүмкүн болгон симптомдорго кусуу жана диарея кирет, бул тамак-аштын уулануу же сүт белокторуна аллергиялык реакцияга окшош.
Мурда «Нестле» балдар аралашмаларынын окшош партиялары Россияда, Казакстанда жана Өзбекстанда кайтарылып алынганын белгилеп өтүү керек.
