Эмгек, саламаттык сактоо, аялдардын иштери жана социалдык маселелер боюнча комитеттин жыйынында депутат Гульнара Баатырова ЕАЭБ алкагында эмгек мигранттарына медициналык жардам көрсөтүүнүн маанилүүлүгүнө көңүл бурду.
ФОМСтун директору Азамат Мукановдун айтымында, мигранттар ЕАЭБ нормаларына ылайык жеңилдетилген медициналык кызмат көрсөтүүгө укуктуу, бирок практикада бул укук көп учурда ишке ашпайт.
«Айрыкча, Россияда Кыргызстандыктар үчүн милдеттүү медициналык камсыздандыруу (ОМС) нормаларынын сакталуусунда көйгөй бар. Бул ЕАЭБ боюнча келишимдин 96-беренесинин талаптарына карабастан болуп жатат. ОМС боюнча милдеттерди аткарбагандыктан, Россиянын сот органдарына доо арыздар берилди. Бул маселе өткөн жылы ноябрда Бишкекке Россиянын вице-премьер-министри Алексей Оверчуктун визити учурунда да көтөрүлгөн», - деп кошумчалады ал.
Мындан тышкары, депутат медициналык жардам алууда эң көп кыйынчылыктарга дуушар болгон эмгек келишими жок мигранттар категориясын бөлүп көрсөткөн. Бул абал кошумча мамлекеттер аралык жөнгө салууну талап кылат.
