Англиянын Суффолк графтысында окумуштуулар тарыхый ачылыш жасашты – алар Европадагы контролдолгон оттун эң эски издерин тапты. Бул тууралуу Британ музейинин пресс-релизинде маалымдалды.
Изилдөө Барнэм айылындагы керамика карьеринде жүргүзүлгөн археологиялык казуулар учурунда жүргүзүлүп, байыркы адамдардын ишмердүүлүгүнө тиешелүү көптөгөн артефактылар табылган. Табылган буюмдардын арасында куралдын фрагменттери, пириттин сыныктары жана неандертальдарга мүнөздүү башка предметтер бар.
Адистер артефактыларга жакын жерде алынган топуракты ИК-спектроскопияны колдонуп анализ кылышты. Натижалар участок 400–600 градус Цельсий температурасына чейин төрт сааттан кем эмес убакыт бою ысытылганын көрсөттү, бул оттун болжол менен 400 миң жыл мурун жагылганын аныктоого мүмкүндүк берди.
Бул ачылыш байыркы адамдардын технологиясы тууралуу түшүнүктөрдү негизинен өзгөртөт, анткени буга чейин Европадагы контролдолгон оттун эң эрте табылган издери 50 миң жылдай мурунку издер деп эсептелчү.
Бул ачылыш азыркы адамдын ата-бабаларынын отту башкаруу жөндөмдөрүнүн өнүгүшү жөнүндө маанилүү күбөлүк болуп саналат жана неандертальдардын күнүмдүк жашоосуна жарык чачып бериши мүмкүн.
