Жарандар курулуш объектилеринин бүтүшү боюнча, камакка алынган компаниянын мүлкүн колдонуу маселесин көтөрүп, материалдык зыянды калыбына келтирүү боюнча суроолорду беришти. Аширходжаев бул боюнча жооп берип, "Дастан Курулуш" компаниясынын директору мурда эле кармалганын жана тергөө иштери улантылып жатканын билдирди.
Ички иштер министрлигинин маалыматы боюнча, Жалал-Абад облусунда "Дастан Курулуш" компаниясына карата 66 иш катталган. 41 иш боюнча кылмыш иштери козголуп, бир өндүрүшкө бириктирилип, сотко өткөрүлгөн. Жалпы зыяндын суммасы 36 миллион сомдон ашат.
Жыйынды жыйынтыктап, министрдин орун басары жарандардын бардык кайрылуулары кылдат караларын, тергөө объективдүү жана ар тараптуу жүргүзүлөрүн, жабыркагандардын укуктары мыйзам боюнча корголорун билдирди.
