26-февралда вице-министр Дурус Козуевдин жетекчилигинде жумушчу топтун төртүнчү жыйыны өттү. Иш-чарага жумушчу топтун мүчөлөрү, Улуттук кеңештин Секретариатынын өкүлдөрү, виртуалдык активдер рыногунун катышуучуларынын ассоциациясы жана жогорку билим берүү уюмдарынын өкүлдөрү катышты.
Күн тартибинде үч мурдагы жыйындын жыйынтыктарына негизделген Жол картасын талкуулоо жана блокчейн технологиялары, криптография, киберкоопсуздук жана жасалма интеллект сыяктуу тармактарда ачылуучу жаңы адистиктердин тизмеси турган. Окутуучулардын квалификациясын жогорулатууга өзгөчө көңүл бөлүндү.
ЖОЖдор бул маселе боюнча өз сунуштарын сунушташты.
Сунуштар үч негизги багытты камтыды:
- квалификациялуу адистерди даярдоо;
- окутуучулардын квалификациясын жогорулатуу;
- жогорку окуу жайларынын окуу программаларына жаңы багыттарды интеграциялоо.
Жыйындынын жыйынтыгында биринчи кезектеги иш-чаралардын планы такталды жана жумушчу топ үчүн конкреттүү тапшырмалар аныкталды.
Бул чараларды ишке ашыруунун максаты өлкөнүн кадрдык потенциалын бекемдөө, санариптик трансформацияны ылдамдатуу жана заманбап технологиялар тармагында атаандаштыкка жөндөмдүү адистерди даярдоо болуп саналат.
