Жолугушуунун жүрүшүндө эки тараптуу кызматташтыктын учурдагы абалы жана анын өнүгүү келечеги талкууланды. Сүйлөшүүгө катышуучулар негизги биргелешкен долбоорлорду ишке ашыруу, бюджеттик колдоо маселелери жана маанилүү мыйзам чыгаруу реформалары тууралуу сөз кылышты.
Адылбек Касымалиев Дүйнөлүк банкка өлкөдөгү социалдык-экономикалык реформаларга кошкон салымы үчүн ыраазычылык билдирди. Ал Кыргызстан бул эл аралык финансылык институтка болгон ишенимди жогору баалай турганын жана мамлекеттик финансыларды башкарууда мыкты дүйнөлүк практикаларды киргизүүгө ачык кызматташууга даяр экенин белгиледи.
Ошондой эле тараптар ушул жылга жана орто мөөнөттүү биргелешкен иш пландарына кененирээк токтолушту.
Наджи Бенхассин, өз кезегинде, өкмөттү жетишкен ийгиликтери менен куттуктап, Кыргызстандагы экономикалык өсүштүн учурдагы көрсөткүчтөрү регионалдык контекстте «абдан таасирдүү» экенин белгиледи.
Регионалдык директор фискалдык саясатты жакшыртуу үчүн жасалган кадамдарды жогору баалап, учурдагы реформалар позитивдүү экономикалык чөйрөнү түзүүгө көмөктөшөрүн баса белгиледи.
«Устундук өсүш жаңы жумуш орундарын түзүүнү гана эмес, жарандардын жашоо деңгээлин жогорулатууну да билдирет. Сиздер өз ара кызыкчылык туудурган бардык тармактарда Дүйнөлүк банктын толук колдоосуна ишенсеңиздер болот», — деп кошумчалады Наджи Бенхассин.
