Бул жаңы орган мамлекеттик мекемелерди, финансылык уюмдарды, билим берүү мекемелерин жана эл аралык өнөктөштөрдү бириктирет, бул болсо аталган тармактагы саясаттын ачыктыгын жана натыйжалуулугун жогорулатууга жардам берет.
Консорциумдун секретариаты экономика жана соода министрлигине жүктөлдү, ал бардык катышуучулардын ишмердүүлүгүн координациялап, кабыл алынган чечимдердин аткарылышын көзөмөлдөйт.
Документте консорциумдун координациялык кеңешинин чечимдери анын бардык мүчөлөрү үчүн, мамлекеттик органдарды да камтып, милдеттүү болору белгиленген. Министрликтер кичи жана орто бизнести өнүктүрүүнүн маанилүү багыттары боюнча консорциумга зарыл колдоо көрсөтүп, өз ара кызматташышы керек.
Министрлер кабинетине 2026-жылдын экинчи кварталына чейин 2030-жылга чейин МСБны колдоо жана өнүктүрүү программасын иштеп чыгуу тапшырылды, ал төмөнкүлөрдү камтыйт:
- жаштардын ишкерлигин өнүктүрүү жана өлкөнүн инновациялык потенциалын пайдалануу;
- аялдардын ишкерлигин колдоо жана аялдар үчүн экономикалык мүмкүнчүлүктөрдү кеңейтүү;
- социалдык бизнести колдоо жана уязвимдүү катмардагы калк үчүн жумуш орундарын түзүү;
- региондордо ишкерликтин өнүгүшү;
- өндүрүш кластерлерин түзүү жана технологиялык атаандаштыкты жогорулатуу;
- инновацияларга жана экспортко басым жасап, креативдүү экономиканы өнүктүрүү.
Документ расмий түрдө жарыяланат жана 10 күндөн кийин күчүнө кирет.
