Өкмөттүн орун басары агросектордогу камсыздандыруу механизмин эске салды
Жогорку Кеңештин жыйынында өкмөт башчынын биринчи орун басары Данияр Амангельдиев учурдагы республикалык бюджетте табигый кырсыктар же түшүмдүн жоктугу учурунда фермерлерге компенсация берүү үчүн каражаттар каралбаганын билдирди.
Депутат Айсаракан Абдибаева бул маселени көтөрүп, өлкөнүн бюджети оң сальдодон куралып жатканын айтып, жабыркаган аграрийлерге төлөмдөрдү бөлүүнү сунуштады.
Амангельдиев мамлекеттик камсыздандыруу компаниясы бар экенин, анда фермерлер жерлерин жана түшүмүн тобокелдиктерден камсыздандыра алаарын айтты.
Ал айыл чарба бизнес экенин белгилеп, эгер мамлекет аграрийлердин чыгымдарын калыбына келтире баштаса, анда ушундай эле чараларды экономикадагы башка тармактар үчүн да караш керек болорун айтты.
Сүрөт www
