Президенттин иш башкаруучусунун орун басары Алмаз Раимбеков Кыргыз Республикасынын «Сыртка миграция жөнүндө» мыйзамынын 43-беренесинин күчүндө болгон редакциясына ылайык, 16 жашка чейинки жарандар үчүн паспорт алуу үчүн эки ата-эненин макулдугу талап кылынарын баса белгиледи.
Бирок, Раимбековдун белгилөөсү боюнча, практикада бул талап көптөгөн кыйынчылыктарды жаратууда. Мисалы, ата-эненин бири чет өлкөдө болушу мүмкүн, байланыштан баш тартуусу же баланын жашоосуна катышпашы мүмкүн, бул болсо макулдукту алуу процессин кыйындатат. Мындай учурларда, баланын камкорчусу көбүнчө керектүү уруксатты алуу үчүн сотко кайрылууга мажбур болот. Жаңы мыйзам долбоору жашы жете элек адамдар үчүн паспорт алуу процессин жеңилдетүүгө багытталган, деп белгиледи ал.
Депутат Гулшаркан Култаева 16 жашка жетпеген балдар үчүн жалпы жарандык паспорт алуунун тартиби боюнча суроо көтөрдү. Жооп катары Министрлер Кабинетинин өкүлдөрү баланын өлкөдөн тышкары болушу учурда, анын коопсуздугу үчүн мыйзам долбоорунда тиешелүү норма каралганын билдиришти. Ошентип, Кыргызстандын дипломатиялык өкүлчүлүктөрү жана консулдуктары аркылуу паспорт берүү үчүн эки ата-эненин макулдугу болушу керек. Эгер алардын биринин макулдугу жок болсо, паспорт алуу үчүн соттун чечими талап кылынат.
Ошондой эле депутат Гулсункан Джунушалиева 16 жашка жетпеген балдардын коопсуздугу боюнча маселелерге тынчсыздануусун билдирди. Комитеттин төрайымы Токтобубу Ашымбаева мыйзам долбооруна жарандардын кайрылган жеринде паспортторду алуу жана берүү боюнча норманы киргизүүнү сунуштады.
