Жороев психологиялык адистердин болушу пациенттерге эмоционалдык кыйынчылыктарын жеңүүгө чоң жардам берерине ишенет.
Саламаттык сактоо министри Каныбек Досмамбетов депутаттын демилгесин колдоп, Саламаттык сактоо министрлиги онкологиялык ооруканаларга психологиялык адистерди киргизүү маселесин карап чыгууга даяр экенин белгиледи.
Мындан тышкары, депутат ДЦП жана аутизм менен ооруган балдар үчүн реабилитациялык борборлорду түзүүнү сунуштады. Ал көптөгөн айылдардагы үй-бүлөлөр 2-3 жылга шаарларга көчүүгө мажбур болуп, балдарына медициналык жардам көрсөтүү үчүн турак жай ижарага алууга туура келерин белгиледи. «Мындай борборлорду региондордо уюштуруу керек», - деп кошумчалады ал.
Саламаттык сактоо министри Бишкек жана Ошто ДЦП менен ооруган балдар үчүн реабилитациялык борборлор бар экенин, бирок адистердин жетишсиздиги байкалууда деп жооп берди. Ал ошондой эле 1-апрелден тартып медициналык кызматкерлердин айлыктарын жогорулатуу пландалганын, бул жагдайга оң таасир этет деп билдирди.
Кабинеттин биринчи орун басары Данияр Амангельдиев мурда премьер-министр Саламаттык сактоо министрлигине, Каржы министрлигине жана Эмгек министрлигине жаңы реабилитациялык борборлорду куруу боюнча тапшырмаларды бергенин белгиледи.
