Энергетика жана инфраструктура министри Арзыбек Кожошевдин айтымында, жүргүзүлгөн анализ мамлекеттердин «бештигинин» мүчөлөрү ЕЭК менен биргеликте бул транспорттук коридорлордун инфраструктурасын жакшыртуу боюнча комплекстүү иштерди жүргүзүп жатканын көрсөтүүдө.
Мисалы, Арменияда Түндүк — Түштүк авто жол коридору үчүн инвестициялык программа активдүү ишке ашырылууда. Беларусь бюджеттен каржыланган 533 чакырым жолдун учурдагы оңдоп-түзөө иштерин жүргүздү жана М-10 трассасынын бөлүктөрүн реконструкциялоону баштады. Казахстан Достык — Мойынты темир жолунун экинчи линиясын 836 чакырым узундукта ачты. Кыргызстанда Тюп — Кеген авто жолунун расмий ачылышы болду. Россияда Беларусь менен Казакстандын чек арасынан башталган экинчи евразиялык авто жол коридорунун маршруту ишке киргизилди.
Бул отчет транспорттук саясат үчүн маанилүү инструмент болуп саналат, ЕЭК жана мүчө мамлекеттерге транспорттук инфраструктураны өнүктүрүүнү координациялоо үчүн объективдүү маалыматтарды алууга мүмкүндүк берет.
