Селдик кеңештин депутаты Кенжегүл Бекьемирова бул иш-чара 8-Март Эл аралык аялдар күнү менен «Улут деми — уңгу жол» мамлекеттик программасынын алкагында өткөрүлгөнүн белгиледи. Куйбышев, Өрнөк жана Миң-Булак айылдарынан келген катышуучулар «Жашоо жарык — мен бар үчүн аялзат» аттуу КВНде таланттарын көрсөтүштү.
Иш-чарада ветеринария жана тигүү боюнча окуп жаткан аз камсыз болгон аялдар чыгышты. Алар ар кандай номерлерди, анын ичинде көркөм окуу, кесиптердин маанисине арналган инсценировкалар, кыргыз аялдарынын тарыхка кошкон салымы тууралуу баяндоолор, ошондой эле макал-лакаптар боюнча мелдештерди көрсөтүштү. Улуттук ырлар жана бийлер да орун алды.
Соревнованиенин жыйынтыгы боюнча «Ветеринария айымдары» командасы биринчи орунду, «Тигүүчү айымдар» командасы экинчи орунду ээледи. Жеңүүчүлөр баалуу сыйлыктар менен сыйланды.
