Жакында Германиянын Федералдык разведка кызматынын (BND) мурдагы вице-президенти жана Польша менен Чехиядагы элчиси Арндт Фрайтаг фон Лорингхофендин аккаунту алдамчылык чабуулуна кабылганы тууралуу маалымат пайда болду. Бул тууралуу DW маалымат булагына таянып билдирет.
Алдамчылар ага ишенимдүү адамдар катары таанышып, Signal мессенджери аркылуу ПИН-кодун киргизүүгө көндүрүштү.
69 жаштагы фон Лорингхофен алардын өтүнүчүн аткарган соң, анын аккаунтунан белгисиз сайтка шилтеме жөнөтүлдү. Натыйжада, мурдагы дипломат тааныштарына бул шилтемеге өтпөөнү эскертип, андан кийин аккаунтун жок кылды.
Фон Лорингхофендин билдирүүлөрүнө жана Der Spiegel маалыматтарына ылайык, бул окуя орус хакерлери тарабынан уюштурулган кеңири масштабдуу кибер чабуулу менен байланыштуу. Басылманын маалыматы боюнча, февраль айында Германиянын Конституцияны коргоо федералдык ведомствосу бул кампаниянын негизинен жогорку кызмат адамдарына, аскерлерге жана массалык маалымат каражаттарына багытталганын эскерткен. Бул чабуулга жогорку немис саясатчылары жана күч структураларынын кызматкерлери да кабылган.
