Бул демилгени негиздөөдө, майып балдардын ата-энелери же мыйзамдуу өкүлдөрү көп учурда аларды ар кандай мекемелерге — спорттук, чыгармачылык, билим берүү жана медициналык — алып барышарын белгилешет. Бирок, чындыгында, жеке жардамчылар өздөрү жүрүүнү төлөөгө мажбур болушат, бул майып балдары бар үй-бүлөлөр үчүн кошумча финансылык жүк жаратууда жана алардын зарыл кызматтарга жетүүсүнө тоскоолдук кылууда.
Шаардык администрация, муниципалдык транспортто жардамчылар үчүн акысыз жүрүүнү киргизүү үй-бүлөлөрдүн финансылык чыгымдарын кыйла азайтат деп белгилейт.
2025-жылдын 15-августуна карата Бишкекте 2202 жеке жардамчы катталган, алардын 1442си борбордо туруктуу каттоого алынган.
Вице-мэр Рамиз Алиев бул демилгени ишке ашыруу үчүн субсидияларды бөлүү керектигин билдирди. Алдын ала эсептөөлөргө ылайык, жылына 17 миллион сом талап кылынат.
