Бул продуктунун зыяндуулугу тууралуу Ат-Башы районунун санитардык-эпидемиологиялык көзөмөлдүн аймак аралык борборунун кызматкери Шерик кызы Умут айтып берди.
«Насвай тамекинин уруктарынан жасалат, анда түтүнсүз тамеки кошумчалары колдонулат. Ал тамекиден жасалгандыктан, организмде никотинге көз карандылыкка алып келет. Мындан тышкары, насвайды колдонуу ашказан-ичеги ооруларына, ооздун рагына, тиш ооруларына алып келиши мүмкүн.
Кээ бирлери насвай сигареттерден азыраак зыяндуу деп эсептешет. Сигареттер санитардык таза жерлерде фабрикаларда жасалат, ал эми насвай кол менен даярдалат. Тамеки уруктары атайын аппарат аркылуу өткөрүлүп, андан кийин сито аркылуу сыпырылып, майда ингредиенттер ажыратылат. Алынган аралашма известь менен себеленип, бир же эки саатка баштыкка салынып, иштей баштайт. Эмне кошулбайт! Тамеки, известь, күл, желим жана суу. Эгер буларды гепатит менен ооругандар даярдаса, анда продукт аркылуу оорулар жугушу мүмкүн», - деди ал.
Ошондой эле Умут Шерик кызы насвай нерв системасынын бузулушуна алып келерин кошумчалады.
«Насвай өзү татаал зат. Тамекинин курамында 50 пайыздан ашык бөлүгү бар. Тамекинин негизги компоненти - психотроптук таасир этүүчү алкалоид-никотин. Ошондуктан адамда психикалык жана физикалык жактан көз карандылык пайда болот. Бара-бара бул көз карандылык адамдын ден соолугуна терс таасир этүүчү кесепеттерге алып келет. Насвайды колдонгондо адам эс алып, эйфорияга батат. Кандын кысымы жогорулап, жүрөк тез-тез согот. Капиллярлар жукает, мээ жетиштүү кычкылтек албай, анын иштеши бузулат. Бул жайлап унутчаактыкка, эс тутумдун бузулушуна алып келет. Адам көбүрөөк кыжырдана баштайт, ызаланып калат», - деди ал.
У.Шерик кызынын айтымында, насвайды колдонуу оорулуу балдардын төрөлүшүнө алып келиши мүмкүн.
«Ал слезистая оболочкада күйүү, жара, ооздун рагын пайда кылат. Андагы известь ооздун слезистая оболочкасын күйгүзүп, зыян келтириши мүмкүн. Бул тиш эмалын бузуп, тиштердин эрте түшүшүнө алып келет. Ошондой эле ооздогу даам кабыл алуучу рецепторлордун сезгичтигин төмөндөтөт, ошондуктан адам акырындык менен даамын жоготот. Ооздогу салива бези сезгенип, көп салива бөлүп чыгарат. Ошондуктан насвайды колдонгондор «түймөнчүк» болуп түкүрөт. Эркектерде сперма өндүрүү акырындык менен бузулат. Бул бедилдикке, майып бала төрөлүшүнө алып келиши мүмкүн, ошондуктан сиз убактылуу тартууну токтотуп, келечекте ден соолук бала туруу жөнүндө ойлонушуңуз керек», - деп жыйынтыктады ал.
