Жергиликтүү тургундар шаарда турак жай үчүн жер тилкелери 15 жыл мурун берилбей калганын билдиришет. «Биздин үй-бүлөдө төрт уул бар, жана ар бирибиз Баткен мэриясына жер тилкесин алуу үчүн арыз бергенбиз. Акыркы жолу 2014–2015-жылдары бул маселе боюнча барганбыз, бирок, тилекке каршы, эч кимибизге жер берилген жок. Натыйжада, төрт үй-бүлө бир үйдө жашап жатабыз. Кээ бирлери батирлерди ижарага алышат. Менин да балдарым бар, азыр менин өз үйүмдү курууга мүмкүнчүлүгүм жок. Жер тилкелерин бөлүү маселеси чечилсе жакшы болмок. Биз кайда кайрылышыбыз керек экенин да билбейбиз», - деди Баткендин тургуну Абдумиталиб Кошматов.
Баткен мэриясынан билдиришкендей, 2012-жылдан бери жергиликтүү тургундарга шаардык аймакта турак жай куруу үчүн жер тилкелери берилбейт.
Мындан тышкары, мамлекеттик ипотекалык кредит берүү программасынын алкагында Баткенде трансформациядан өткөн 12 гектардан ашык жер бөлүнгөн. Бул демилге жер ресурстарын натыйжалуу пайдаланууга жана калкты турак жай менен камсыз кылуу үчүн шарттарды түзүүгө багытталган.
Ошондой эле, мэриянын басма сөз кызматынын маалыматы боюнча, Баткенде учурда жеке турак жай куруу үчүн кезекте турган жарандарга берилүүгө мүмкүн болгон бош жер тилкелери жок.
Бүгүнкү күндө Баткенде жер тилкесин алуу үчүн электрондук кезекте 5 миңден ашык адам турат.
