Ал өлкөдөгү ДЦП, аутизм жана Даун синдромунан жабыркаган балдардын саны менен кызыкты. Саламаттык сактоо министринин орун басары 2022-жылдан 2024-жылга чейин 431 Даун синдромунан, 1 866 ДЦПдан жана 271 аутизмден жабыркаган бала катталганын билдирди.
Депутаттын айтымында, расмий статистиканын маалыматы реалдуу абалдан кыйла айырмаланат. Менталдык бузулуулары бар балдардын ата-энелери мамлекеттик реабилитациялык борборлорду түзүүнү суранышууда, анткени азыркы учурдагы мекемелер муктаждардын 1% да камтый албайт. Жеке реабилитациялык кызматтар күнүнө 3 миң сомго чейин турат.
Садырбаева: "Ата-энелер мындай борборлор облустук мекемелердин базасында болсо да болушун суранышууда. Алар балдарын колдоо үчүн Бишкекке көчүүгө мажбур болушууда. Реабилитация эртерек башталса, баланын коомдун толук кандуу мүчөсү болуу мүмкүнчүлүгү жогору болот", - деп белгиледи.
Депутат ошондой эле, стоматологиялык көйгөйлөр боюнча эч бир бала мамлекеттик жардам алган жок, бир тиштин дарты 50 миң сомго чейин турушу мүмкүн экенин айтты. Эпилепсия менен жабыркаган балдар да мамлекеттен колдоо албай жатышат.Мындан тышкары, депутаттар мындай балдар менен иштөө үчүн адистерди даярдоо жана пособияларды көбөйтүү маселесин көтөрүштү. "Дефектологдор, логопеддер, психологдор жетишпейт. Бул балдар менен иштөө кыйын, бирок тиешелүү факультеттер бар, эч ким бул адистиктерди алууга кызыкпайт. Жарандык коом мындай балдарды катуу стигматизациялап, ата-энелерди аларды жашырууга мажбурлайт, айрыкча айылдарда, бул алардын абалын оорлотот. Биз ата-энелерге балдарын кабыл алууга жардам берүү үчүн маалыматтык саясатты жакшыртуубуз керек", - деп кошумчалады Садырбаева.
Саламаттык сактоо министринин орун басары өлкөдө сегиз реабилитациялык борбор иштеп жатканын жана жакынкы убакта Бишкек жана Ош шаарларында жаңы борборлорду куруу пландалып жатканын билдирди.
Каржы министринин орун басары Жибек Дуйшеева быйыл пособиялар көбөйтүлбөй турганын, бирок келерki жылы абал өзгөрүшү мүмкүн экенин тактады.
