Жолугушуу учурунда мэр катышуучуларды Рамазан айынын башталышы менен куттуктап, бул ай ар бир үй-бүлөгө тынчтык, бакубаттык жана ынтымак алып келет деген үмүтүн билдирди.
Иш-чаранын жүрүшүндө мэрге жаңы мечиттин курулушу боюнча долбоор сунушталды. Пландын негизинде авариялык абалдагы жана реконструкциялоого жатпаган Кимсанбай ажы Абдурахмановдун эски мечити толугу менен бузулат.
Жаңы долбоор заманбап эки кабаттуу мечиттин курулушун камтыйт, анда жер астындагы авто токтотуучу жай, кафе, бутиктер, административдик кабинеттер жана даараткана (жуунуучу жайлар) каралган. Жаңы объекттин жалпы аянты 5 851,30 квадрат метрди түзөт, ал эми намаз окутуучу залдын аянты 3 506,77 квадрат метрди түзүп, бир убакта 4 200 адамды жайгаштырууга мүмкүнчүлүк берет.
