Суу ресурстары, айыл чарба жана кайра иштетүү өнөр жайы министри Эрлист Акунбеков УТРКнын «Диалог» программасында эттин баасын түзүү боюнча актуалдуу маселелерди жана мал экспорттоого байланыштуу көйгөйлөрдү талкуулады.
Ал Кыргызстанда эттин баасы Тажикстан жана Өзбекстан сыяктуу коңшу өлкөлөргө караганда кыйла жогору экенин белгиледи, анда баалар 1200–1400 сомдун чегинде болот. Бул баалардын айырмасын пайдаланып, делдалдардын иштөөсүнө ыңгайлуу шарттарды түзөт.
«Экспорттук чектөөлөр фермерлердин ишин кыйындатпайт, анткени мал жана этти сатуу менен негизинен делдалдар алектенет. Россия жана Өзбекстандык ишкерлер биздин фермерлерден жаныбарларды активдүү сатып алышууда. Статистика боюнча, акыркы төрт айдын ичинде 53 миң баш ири мүйүздүү мал жана койлор чыгарылып, андан кийин коңшу өлкөлөрдө 1200–1400 сомго сатылууда. Натыйжада негизги пайда чет өлкөлүк делдалдарга кетип жатат, фермерлерге эмес», - деп баса белгиледи министр.
Акунбеков ошондой эле өткөндө мамлекет эттин баасын турукташтыруу үчүн мал сатып алып, аны төмөн баада сатууга аракет кылганын эске салды. Бирок акыркы колдонуучулар көп учурда кайра сатуу аркылуу жогору баада эт алышкан.
«Бул маселени чечүү үчүн министрлик эт кластерлерин түзүүнү сунуштады, алардын максаты - фермерлерден сатып алуучуларга түз жеткирүүлөрдү уюштуруу. Бул багытка 1,5 миллиард сом бөлүнгөн, 10 кластер түзүү пландалууда. Жаңы система «фермер - союлган мал - соода жайы - колдонуучу» моделинде иштейт. Натыйжада фермерлер өз эмгегинин адилеттүү пайдасын алышат, ал эми колдонуучулар ветеринардык контролдон өткөн сапаттуу этти делдалдарсыз, арзандатылган баада сатып ала алышат», - деп кошумчалады министр.
автор: Аида Тургунбек кызы
перевод: Гульмира Байтерекова
