Билим берүү министринин орун басары Надира Жусупбекова автоматтык түрдө экинчи класска кабыл алуу өткөн жылы 12 жылдык билим берүү системасына өтүүнүн биринчи этабынын алкагында гана мүмкүн болгонун белгиледи. Учурда мындай ыкма колдонулбайт, ата-энелерге буга чейин маалымдалган.
«Биз ар бир баланы жеке-жеке карап чыгабыз. Алгач, анын туулган жылын эске алабыз, андан кийин бала бакчада өткөн даярдык программасын жана анын даярдык деңгээлин карайбыз. Ошол эле учурда, эч кандай экзамендер өткөрүү пландалган эмес. Бардык маселелер жеке чечилет, жана биз эрежелерге өзгөртүүлөрдү киргизүүнү пландабайбыз», — деп кошумчалады министрдин орун басары.
Ошондой эле, 1-апрелден баштап балдарды биринчи класска электрондук каттоо башталат. Ата-энелер 1mektep.edu.gov.kg сайтында онлайн түрүндө арыз бере алышат.
