Бул келишимдин негизги максаты эки өлкөнүн экономикалык субъекттери үчүн эки жолу салык салууну жоюу болуп, бул Кыргызстан менен Гонконгдун ортосунда экономикалык кызматташтык үчүн жагымдуу шарттарды түзөт.
Министрликтен белгилегендей, эки жолу салык салууну алдын алуу боюнча келишимдер Кыргыз Республикасынын экономикасына түз чет элдик инвестицияларды тартуу үчүн маанилүү инструмент болуп саналат.
Мындан тышкары, документ бир өлкөнүн резиденттерин башка өлкөнүн аймагында дискриминациялык салык салуудан коргоого, салыкты төлөөдөн качууну алдын алууга жана келишимдин шарттарын кыянаттык менен пайдаланууга жол бербөөгө, ошондой эле эки өлкөнүн компетенттүү органдары арасында маалымат алмашууну өнүктүрүүгө багытталган.
