Иш-чаралар эки кесиптик аудиторияга багытталган. Биринчи мектеп Ош мамлекеттик университетинин алкагында өткөрүлүп, ОшГУ жана Жалал-Абад мамлекеттик университетинин юридикалык факультетинин окутуучуларын чогултту.
Экинчи сессия Ош облустук сотунда өтүп, Ош жана Жалал-Абад облустук сотторунун судьялары, ошондой эле райондук соттордун өкүлдөрү чогулду.
Сабактардын учурунда конституционализмдин укуктук мамлекетти түзүүдөгү мааниси, ошондой эле Конституциялык соттун мамлекеттик бийлик структурасындагы ролу боюнча негизги темалар талкууланды. Судьялык практикада сот актыларынын жана конституциялык укук принциптеринин практикалык колдонулушуна өзгөчө көңүл бурулду.
Катышуучулар алдында сүйлөгөн Эмиль Осконбаев, конституционализмдин ийгиликтүү өнүгүшү үчүн туруктуу кесиптик өз ара аракеттенүү зарыл экенин баса белгилеп, выездной мектептердин форматы жергиликтүү конституциялык адилеттик менен жакындан таанышууга жана соттук жана академиялык чөйрөнүн реалдуу муктаждыктарын эске алууга жардам берерин белгиледи.
Мектептер ачык талкуу форматында өткөрүлүп, иш-чаранын жыйынтыгы боюнча катышуучуларга сертификаттар берилди.
Конституциялык сотто мындай билим берүү инициативалары конституциялык баалуулуктарды бекемдөөгө, укуктук маданиятты жогорулатууга жана укук колдонуу практикасында конституциялык принциптердин бирдиктүү түшүнүгүн түзүүгө багытталган комплексдүү иштердин бөлүгү экендиги белгиленди.
