Орунбеков: "Биз генерал Ташиевди каралаган фейк профилдердин кандай иштеп жатканын көрүп жатабыз. Бул – жасалма чыңалууну жаратууга багытталган провокация", - деди.
Ал укук коргоо органдары тергөө иштерин баштаганын жана күнөөлүүлөр жоопкерчиликке тартыларын кошумчалады.
Мындан тышкары, ал социалдык тармактардагы провокациялык мазмундагы жарыялар кылмыш катары каралышы мүмкүн экенин белгиледи.
Орунбеков: "Саясий заговорлорду уюштуруу жана социалдык тармактарда провокациялык материалдарды таратуу – бул кылмыштар. Мазмунуна жараша, мындай материалдар кылмыш ишинин негизин түзүшү мүмкүн", - деп айтты. Ал колдонуучуларды өз сөздөрүндө жоопкерчиликке чакырды.
Ошондой эле, Камчыбек Ташиевге жакын Откурбек Рахманов да ушундай позицияны билдирди. Анын пикиринде, интернетте Ташиевдердин үй-бүлөсүн дискредитациялоого багытталган координацияланган кампания жүрүп жатат.
Ал тармакта Жогорку Кеңештин депутаты Шаирбек Ташиев жана Тай-Мурас Ташиевге каршы багытталган видеоматериалдардын таралып жатканын билдирди. Анын айтымында, мындай жарыялардын максаты – Камчыбек Ташиевдин репутациясын бузуу.
Рахманов ошондой эле видеодо аталган фактылар, анын ичинде майрамдар жана турак жай курулушу, азыркы бийлик келгенге чейин болгон мезгилге таандык экенин жана мурда эле белгилүү болгонун айтты.
Мындан тышкары, ал Тай-Мурас Ташиевдин иш-чарага вертолет менен келип, кортежде жүргөндүгү тууралуу маалыматтарды четке какты. Ал дискредитациялоо үчүн башка иш-чаралардан, анын ичинде чет өлкөдөн алынган кадрлардын колдонулуп жатканын билдирди.
Анын айтымында, мындай маалыматтык чабуулдар Камчыбек Ташиевдин терс имиджин жаратууга багытталган, бирок ал коомчулук бул жагдайды өз алдынча баалай алат деп ишенет.
