Текшерүү учурунда мэр көлдүн жээгин камыштардан тазалоону жана көрктөндүрүү иштерин улантууну тапшырды. Бүгүнкү күндө суу сактагычтан 20 тоннага жакын таштанды чыгарылды.
Свердлов райондук администрациясы, муниципалдык менчик башкармалыгы жана башка кызматтар менен кызматташып, жол куруу үчүн даярдык иштерин күчөтүшү керек. Айрыкча, долбоорду ишке ашырууга тоскоол болгон мыйзамсыз объектилерге каршы чараларды көрүү зарыл.
Мэрия ошондой эле муниципалдык инспекцияга жашыл зоналардагы унаа токтотуу маселесин көзөмөлдөп, аны жакшыртуу үчүн зарыл чараларды кабыл алууну тапшырды.
Мындан тышкары, тиешелүү кызматтар базарлардын аймагында көп деңгээлдүү токтотуучу жайларды түзүү үчүн мүмкүн болгон участкаларды изилдеп, мыйзамсыз иштеп жаткан объектилерди аныктоо жана токтотуу менен алектениши керек.
Андан кийин мэр Аламедин-1 микрорайонунда жайгашкан «Динар» жана «Чынар» базарларына барды. Текшерүү учурунда ал «Динар» базарынын ижарачысына тротуарларды калыбына келтирүүнү жана шаардыктар үчүн жеткиликтүү кылууну тапшырды. Свердлов акимиатына тротуарларды асфальттоо жана тегеректеги аймакты жашылдандыруу маселесин чечүү тапшырылды.
Жер пайдаланууну көзөмөлдөө башкармалыгы, мамлекеттик санитардык-эпидемиологиялык көзөмөл борбору менен биргеликте санитардык нормалардын сакталуусун жана объектилердин мыйзамдуулугун текшерип, мыйзамсыз курулуштарды бузуу иштерин баштоосу керек.
Сатуучүлөр менен болгон сүйлөшүүдө мэр базарлардагы бардык иштер Кыргыз Республикасынын мыйзамдарына ылайык жүргүзүлөрүн белгиледи.
Текшерүүнүн жыйынтыгы боюнча Айбек Джунушалиев Свердлов районунун башчысына, муниципалдык менчик башкармалыгынын начальнигине жана транспорт жана жол-транспорт инфраструктурасын өнүктүрүү департаментинин директоруна эскертүү берди. Район башчысына базарларды көрктөндүрүүнү жеке көзөмөлгө алууга тапшырма берилди.
