Долбоордун алкагында мамлекеттик цифрдык ресурстарда биометрикалык маалыматтар менен иштөө үчүн бирдиктүү эрежелер белгиленет, ошондой эле маалымат сактоочу жабдыктарга жана технологияларга талаптар аныкталат.
Өкмөт биометрикалык маалыматтар конкреттүү жарандарды тандоодо, референдумдарда жана мамлекеттик кызматтарды көрсөтүүдө идентификациялоо үчүн гана колдонулушу мүмкүн экенин белгилейт. Ошол эле учурда, маалыматтарды жалпы база менен массалык салыштыруу катуу тыюу салынат.
Долбоордо киберкоопсуздук маселелерине чоң көңүл бурулат. Сертификацияланган коргоо каражаттарын колдонуу, маалыматтар менен болгон бардык аракеттердин санарип журналынын жүргүзүлүшү жана биометрикалык маалыматка кирүү укугу бар ведомстволор үчүн жыл сайын коркунучтарды баалоо милдеттүү түрдө киргизилет. Ошондой эле кызматкерлер үчүн эрежелер жазылып, санариптик кызматта катталуу жана көп факторлуу аутентификацияны киргизүү зарылдыгы белгиленет.
Биометрикалык маалыматтарды өткөрүп берүү жана резервдик сактоо шарттары катуураак болот. Бардык материалдык маалымат сактоочу жабдыктар шифрлениши, эсепке алынышы жана пломбаланышы керек, ал эми сактоонун зарылдыгы жоголгондо — акт боюнча жок кылынат. Мындай жабдыктарды өткөрүп берүү, маалыматтарды корголгон каналдар аркылуу жөнөтүү үчүн техникалык мүмкүнчүлүк жок болсо гана уруксат берилет.
Мындан тышкары, токтомдун долбоору 2014, 2018, 2020, 2022 жана 2024-жылдары кабыл алынган биометрияга байланыштуу бир катар нормативдик актыларды жокко чыгарат, анткени алар жаңы цифрдык жөнгө салуу талаптарына жооп бербейт.
