Пособия алууга кимдер укуктуу:
- жумушта иштеген жана расмий эмгек мамилелеринде турган аялдар;
- жеке ишкерлер;
- фермердик (КФХ) чарбалардын мүчөлөрү;
- расмий жумушсуз деп таанылган жана жумушсуздук боюнча пособия алууга укуктуу аялдар.
Пособияны дайындоо үчүн медициналык мекемелер тарабынан берилген эмгекке жарамсыздык барагын берүү керек.
Пособия алуу үчүн кайда кайрылуу керек:
- иштеген аялдар өзүнүн жумуш берүүчүсүнө кайрылышы керек;
- жеке ишкерлер, КФХ мүчөлөрү жана расмий жумушсуздар — аймактык эмгек, социалдык камсыздандыруу жана миграция органдарына.
Пособияны дайындоо жана төлөө үчүн талап кылынган документтер:
- иштеген аялдар жумуш берүүчүсүнө өз каалоосу боюнча арыз жана эмгекке жарамсыздык барагын тапшыруусу керек;
- жеке ишкерлер, КФХ мүчөлөрү жана расмий жумушсуздар үчүн пособияны дайындоо боюнча белгиленген формада арыз жана ПИН талап кылынат;
- пособияны дайындоо үчүн кошумча маалыматтарды «Тундук» электрондук өз ара аракеттенүү системасы аркылуу электрондук форматта алууга болот.
Пособиянын көлөмү жана төлөө тартиби:
- иштеген аялдар биринчи 10 жумуш күнүндө өзүнүн эмгек акысынын 100%ын алат, ал эми 11-жумуш күнүнөн баштап — 20 эсептик көрсөткүч (2000 сом) айына республикалык бюджеттен;
- жеке ишкерлер, фермердик чарбалардын мүчөлөрү жана жумушсуздук боюнча пособия алууга укуктуу расмий жумушсуздар 11-жумуш күнүнөн баштап 20 эсептик көрсөткүч (2000 сом) айына алышат;
- 2024-жылдын 1-январынан баштап, жүктөлүү жана төрөт боюнча пособия 11-жумуш күнүнөн баштап 20 эсептик көрсөткүч (2000 сом) айына түзөт;
- жогорку тоолуу жана жеткиликтүү эмес аймактарда иштеген аялдар бардык жумуш күндөрүндө өз эмгек акысынын 100%ын алышат.
11-жумуш күнүнөн баштап пособиянын төлөөсү Кыргыз Республикасынын Эмгек, социалдык камсыздандыруу жана миграция министрлигинин карамагындагы бөлүмдөр аркылуу борборлоштурулган түрдө жүргүзүлөт, ал үчүн арыз берүүчүнүн паспорту болушу керек жана каражаттар банктардагы транзиттик эсептерге которулат («Элдик банк», «Айыл банк»).
