Жогорку Кеңеште балдары бар үй-бүлөлөр үчүн мамлекеттик колдоо системасын реформалоо маселеси көтөрүлдү
«Ала-Тоо» жана «Элдик» депутаттык фракцияларынын биргелешкен жыйынында Акылбек Тумонбаев балдары бар үй-бүлөлөр үчүн мамлекеттик жөлөк пулдар системасын кайра карап чыгуу зарылдыгын билдирди.
Ал Кыргызстанда балдары бар үй-бүлөлөргө реалдуу колдоо жетишсиз экенин жана жарандардын муктаждыктарын канааттандырбай турганын белгиледи.
«Учурда бала төрөлгөндө берилүүчү бир жолку жөлөк пул 4 миң сомду гана түзөт, ал эми муктаж үй-бүлөлөр үчүн ай сайын берилүүчү жөлөк пул 1 миң 200 сом. Бул үй-бүлөлөрдүн реалдуу муктаждыктарына жооп бербейт», — деп баса белгиледи Тумонбаев.
Депутат, бардык балдар үчүн тең шарттарды камсыздоо максатында, «Элдик» жана «Ала-Тоо» фракциялары 12 жашка чейинки бардык балдарга жөлөк пул берүү боюнча мыйзам долбоорун даярдашканын кошумчалады. Ошол эле учурда 16 жашка чейинки балдары бар аз камсыз болгон үй-бүлөлөр үчүн колдоо сакталат.
Эмгек, социалдык камсыздоо жана миграция министрлигинин маалыматы боюнча, 163 миң 592 балдар кыйынчылыкка дуушар болгон үй-бүлөлөрдөн жөлөк пул алууда, ал эми өлкөдөгү 12 жашка чейинки балдардын жалпы саны 1,8 миллионду ашат.
«Биз жөлөк пулдарды белгилөө механизмин өзгөртүүнү маанилүү деп эсептейбиз, бардык балдарга, үй-бүлөлөрүнүн материалдык абалынан көз каранды болбостон, тең жөлөк пулдарды камсыз кылуу үчүн», — деди депутат.
Ошондой эле Тумонбаев, өлкөнүн демографиялык өнүгүүсүнө жана балдарды тарбиялоого кошкон салымдарын эске алуу менен, баатыр энелерге 5 миң сом өлчөмүндө кошумча колдоо көрсөтүү сунушу жөнүндө маалымдады.
Сүрөт www
