Министрликте 2019-2024-жылдар аралыгындагы товар жүгүртүүнүн фактикалык көрсөткүчтөрү макалаларда айтылган көрсөткүчтөрдөн кыйла төмөн экендигин белгилешти:
Министрликтин маалыматы боюнча, учурдагы динамика ички суроо-талаптын өсүшү, кен казуу жана энергетика секторлорунда өндүрүштүк кубаттуулуктарды модернизациялоо, ошондой эле массалык керектөө товарларынын импортун диверсификациялоо менен байланыштуу. Ошол эле учурда, тышкы экономикалык операциялардын абсолюттук көлөмдөрү жогору эмес, бул тышкы сооданын орто масштабда экендигин көрсөтөт.
Мындан тышкары, ведомство Кыргызстан маалыматтардагы ачыктык принциптерин сактоону улантып, Европа менен конструктивдүү диалогду өнүктүрүп жатканын баса белгиледи.
Мурда маалымдалгандай, Россияга каршы жаңы санкция пакетинин алкагында Европалык Союз Кыргызстандагы банктарга чектөөлөрдү киргизүү жана өлкөгө айрым товарларды жеткирүүнү жөнгө салуу мүмкүнчүлүгүн карап жатат. Айрыкча, чет өлкөлүк публикацияларда Brookings Institution анализине негизделген Кыргызстан менен айрым европалык мамлекеттердин товар жүгүртүүсүнүн кескин жогорулашы тууралуу маалыматтар белгиленген. Бул мекеменин экономисти Робин Брукс «Кыргызстан европалык экспорттун негизги чекити болуп калды, ал акыры Россияга жетет» деп билдирген.
