Трамптын белгилөөсү боюнча, буйрук Овальный кабинетте кол коюлган жана «практикалык түрдө дароо» күчүнө кирет.
Ак үйдүн сайтында жарыяланган билдирүүдө жаңы бажы салыктары 24-февралдан баштап күчүнө кирери жана 150 күн бою актуалдуу болору көрсөтүлгөн.
Критикалык минералдар, энергия булактары, Америкада өндүрүлбөгөн жер семирткичтер жана айрым айыл чарба продукциялары, дары-дармектер, электроника, унаалар жана башка транспорт продукциялары сыяктуу товарлар кошумча бажы салыгына тартылбайт.
Мындан тышкары, жаңы бажы салыктары улуттук коопсуздук үчүн маанилүү товарларга, ошондой эле Америка Кошмо Штаттары, Мексика жана Канада (USMCA) ортосундагы үч тараптуу соода келишими боюнча жөнгө салынган товарларга колдонулбайт.
Билдирүүдө мурда киргизилген бажы салыктарынын күчүн жоюу жөнүндө да айтылган, бул бажы салыктары өзгөчө кырдаалдар жөнүндө мыйзамдын негизинде белгиленген. Атап айтканда, бул 2025-жылдын апрель айында 185 өлкөдөн жана аймактардан келген продукцияларга киргизилген бажы салыктарына тиешелүү. Ошондой эле, Кытай, Мексика жана Канадага мыйзамсыз миграция жана наркотик контрабандасы маселелери боюнча коюлган бажы салыктары, ошондой эле Венесуэладан мунай же газ сатып алган мамлекеттерге коюлган бажы салыктары токтотулат.
Мындан тышкары, 2025-жылдын августунда Россиядан Индияга мунай импорттоого 25 пайыздык кошумча бажы салыгын киргизген буйрук да күчүн жоготту.
Мурда Америка Кошмо Штаттарынын Жогорку соту өкмөттүн эл аралык өзгөчө кырдаалдар (IEEPA) боюнча экономикалык ыйгарым укуктар мыйзамына негизделген импорттук бажы салыктарын киргизүүдө өз ыйгарым укуктарын ашып кеткенин мойнуна алган. Ошол эле учурда сот мурда төлөнгөн бажы салыктарын кайтаруу боюнча чечим кабыл албады.
