6-февралда Астанада Кыргызстандын Казакстандагы элчиси Кудайберген Базарбаев менен Казакстандын борбору Астананын акими Женис Касымбек арасында маанилүү жолугушуу өттү.
Кыргыз Республикасынын Тышкы иштер министрлигинин маалымат кызматынан билдиришкендей, жолугушууда мурда жетишилген келишимдерди ишке ашыруу боюнча кадамдар жана Бишкек менен Астана шаарларынын тууган шаарлар катары алакасынын мындан аркы өнүгүү перспективалары талкууланды.
Жолугушуунун катышуучуларынын көңүл борборунда Астанада Кыргызстандын жаңы элчилигинин имаратын куруу, ошондой эле маданий жана гуманитардык байланыштарды бекемдөө, гастрольдүк иш-чараларды уюштуруу жана эки өлкөнүн профилдик мекемелери арасында түз байланыштарды орнотуу маселелери болду.
Мындан тышкары, тараптар соода-экономикалык жана илимий-техникалык кызматташтык боюнча пикир алмашышты. ЖКХ, жашоо шарттарын жакшыртуу, санариптештирүү жана жерлерди башкаруу тармактарында тажрыйба алмашуу үчүн мүмкүн болгон өз ара сапарлар талкууланды.
Жолугушуунун жыйынтыгы боюнча эки тараптын регион аралык диалогду тереңдетүүгө жана практикалык кызматташтыкты кеңейтүүгө кызыкдар экени тастыкталды.
