Саламаттык сактоо министри Каныбек Досмамбетов нарколог-доктор жана профессор Женишбек Назаралиев менен жолугушуу өткөрүп, наркотикке көз карандыларды реабилитациялоо мамлекеттик системасын өнүктүрүү маселелерин талкуулашты.
Министрдин айтымында, синтетикалык наркотиктерди колдонуу, өзгөчө жаштар арасында, улуттук коопсуздук үчүн олуттуу коркунучту түзөт. Ошондуктан Саламаттык сактоо министрлиги Ички иштер министрлиги жана Билим берүү министрлиги менен кызматташтыкта профилактикалык жана реабилитациялык иш-чараларды активдештирүүнү пландаштырууда, анын ичинде билим берүү мекемелеринде маалыматтык кампанияларды өткөрүү.
Наркотикке көз карандылар үчүн мамлекеттик реабилитациялык борбор, пландалгандай, Дачное айылындагы постинсульттук реабилитация борборунун базасында уюштурулат. Бул учурда инсульттан кийин дарыланган бейтаптар Воронцовка айылындагы курортология жана калыбына келтирүү илим изилдөө институтуна реабилитацияга жөнөтүлөт.
Министр мыйзамсыз реабилитациялык мекемелердин иштешине жол бербөө керектигине көңүл бурду жана ачык мамлекеттик жардам системасын түзүүнүн маанилүүлүгүн белгиледи. Ошондуктан, кийинки беш жылга карата наркка каршы программасынын алкагында иш-чаралар планы иштелип чыгууда.
Женишбек Назаралиев Саламаттык сактоо министрлигине методикалык жардам көрсөтүүгө жана жаңы борбордо иштөө үчүн практикалык тажрыйбасы бар адистерди тартууга даяр экенин билдирди.
