Бул документтин негизин туберкулез боюнча учурдагы эпидемиологиялык абалдын анализи жана 2030-жылга чейин Содружествонун өлкөлөрүндөгү өзгөрүүлөрдүн болжолу түзөт.
Пландын алкагында СНГ мамлекеттери туберкулез менен ооруу деңгээлин 2015-жылдагы көрсөткүчтөргө салыштырганда 20% төмөндөтүүнү жана өлүмдү 35% кыскартууну, ошондой эле бул ооруга чалдыккан бардык адамдар үчүн медициналык жана социалдык кызматтар менен 100% камсыздоону көздөшөт.
Содружествонун аткаруу комитетинин маалыматына ылайык, документтин негизги максаты коомчулукта туберкулездун жүгүн азайтуу боюнча кызматташтыкты тереңдетүү болуп саналат. Жыйындын катышуучулары, ооруга чалдыккан жогорку тобокелдикке ээ топтор арасында алдын алуу ыкмаларын жакшыртууга, ошондой эле туберкулездун бардык формаларын эрте аныктоо боюнча макулдашылган ыкмаларды иштеп чыгууга жана дарылыкка туруктуулук тесттерине, мигранттарды да камтып, жеткиликтүүлүктү камсыздоого ниеттеништи.
Мындан тышкары, туберкулездун ар кандай формалары менен ооруган бейтаптарды сапаттуу дарылоого өзгөчө көңүл бурулат. Пландын алкагында, туберкулез менен ооруган бейтаптарды эрте аныктоо, диагноз коюу, дарылоо жана реабилитациялоо боюнча биринчи деңгээлдеги адистерди да камтыган дарыгерлер жана орто медициналык кызматкерлердин квалификациясын жогорулатуу каралган.
Катышуучулар ошондой эле Содружествонун өлкөлөрүндө ДДУУ менен иш алып барган билим берүү борборлорун активдүү пайдалануунун маанилүүлүгүн белгилешти жана Европа региондук бюросу менен онлайн форматта окутуу курстарын уюштуруу мүмкүнчүлүгүн талкуулашты.
