Социалдык фонд 10% жарандардын эмгек акысынын пенсиялык жыйнактар үчүн кармалып турганын тактады, анын ичинен 2% жыйноо бөлүгүнө кетет. Бул акча ар жылы баалуу кагаздарга жана депозиттерге инвестициялоо аркылуу көбөйөт. Мурас алуучулар белгилүү учурларда, анын ичинде камсыздандырылган адамдын өлүмү менен, пенсиянын жыйноо бөлүгүн пенсионердик куракка жеткенге чейин ала алышат. Бул учурда алар өлгөн адамдын жыйноо бөлүгүн бир жолу алып кете алышат", - деп түшүндүрүштү адистер.
Мындан тышкары, эгерде асырачы өлсө, анын балдарына асырачынын жоголушу боюнча пенсия дайындалат:
- жалпы билим берүү мекемелеринде окуган балдарга - 18 жашка чейин;
- орто атайын жана жогорку окуу жайларында окуган балдарга - 23 жашка чейин.
"Эгерде өлгөн адамдын курагы жете элек балдары калбаса, пенсиялык фонддун каражаттары Соцфонддо же мамлекетте калбайт. Алар башка пенсионерлерге төлөмдөргө жөнөтүлөт. Бизде камсыздандыруу принциптери иштейт", - деп баса белгилешти Социалдык фонддо.
