Ал буга чейин бул маселени кеңири коомчулукка талкуулоого чыгаруу идеясы айтылганын, бул болсо жакшы альтернатива пайда болушуна алып келиши мүмкүн экенин баса белгиледи.
Талиева маданият министрлигинин өкүлдөрүнө сунуштарды топтоо жана тандоо боюнча аракеттерди күчөтүүнү өтүндү. Ал 900 арыздан ылайыктуу варианттын жоктугу бул процесс боюнча терең жана кылдат мамиле жасоонун зарылдыгын көрсөтүп жатканын айтты.
Анын пикиринде, бул маселе өзгөчө көңүл бурууну жана жоопкерчиликти талап кылат. Депутат парламентке маанилүү чечим кабыл алуу керектигин белгилеп, профилдик комиссиянын мүчөлөрү бул процесске активдүү катышуусу керек экенин айтты.
Жогорку Кенештин спикери Нурланбек Тургунбек уулу сунуштарды иштеп чыгууга жеке жарандар жана чыгармачыл топтор да катыша алаарын кошумчалады. Ал ошондой эле, эгер 1-июнга чейин ылайыктуу варианттар сунушталбаса, мөөнөттөрдүн узартылышы мүмкүн экенин, мүмкүн, сентябрга чейин деп белгиледи.
Тургунбек уулу бул маселе формалдуу мамиле кылууга болбой турганын, анткени парламент тарабынан кабыл алынуучу олуттуу чечим жөнүндө сөз болуп жатканын баса белгиледи.
