Бул маалыматты жергиликтүү эмгек, социалдык камсыздоо жана миграция башкармалыгынын жумуш менен камсыздоо бөлүмүнүн жетекчиси Айпери Имамалиева берди.
Ал ошондой эле, окууга каттоо уланууда экенин белгиледи.
«Акыркы жылдары биздин башкармалык жумушсуз жарандарды, расмий катталган жана атайын кесиби жокторду, актуалдуу кесиптер боюнча кыска мөөнөттүү курстарга активдүү жөнөтүп жатат. Учурда 27 катышуучунун окуу сабактары автомеханик, ашпозчу жана тигүүчү кесиптери боюнча башталды. Жакын арада официант-бармендер жана тигүүчүлөр курстарына дагы 30 адамды кабыл алууну пландап жатабыз. Өткөн жылы 113 адам сварщик, электрик, массажист, ашпозчу, тигүүчү жана автомеханик кесиптери боюнча окуудан өттү», - деп билдирди Имамалиева.
- Азыркы учурда Манас шаарында 514 жумушсуз жаран катталган, алардын 129унун статусу расмий түрдө тастыкталган.
