Депутат Эльвира Сурабалдиева врачтарга категория берүү менен байланышкан актуалдуу маселени көтөрдү. Ал региондордон келген адистердин кайра даярдоо жана квалификациясын жогорулатуу институтунда окуу учурунда жумуш орундарын таштап кетүүгө мажбур экенин белгиледи. Чектелген убакыттын айынан алардын көпчүлүгү курсту аяктоого үлгүрбөй калып, анын аякташы үчүн кошумча төлөмдөрдү төлөөгө мажбур болушат.
Сурабалдиева бул маселеде реформа жана жетекчиликтен тиешелүү көзөмөл талап кылынарын баса белгиледи.
Бул боюнча Маткеримов, врачтарды категория алуу үчүн даярдоо Данияров институтунун базасында уюштурулганын, алар бардык керектүү билим жана көндүмдөрдү алышарын тактады. Бирок категорияларды акыркы берүү тиешелүү ассоциациялар аркылуу жүргүзүлөт.
«Биз саламаттыкты сактоо министри менен бул процессти реформалоо мүмкүнчүлүгүн талкуулаганбыз, бардык жоопкерчилик Саламаттыкты сактоо министрлигинин мойнуна жүктөлүшү керек. Ошондой эле, окуу үчүн төлөөгө мажбур болгон врачтар өз маалыматтарын калтырып кетсе, биз ар бир учурду жеке карап чыгабыз», - деп кошумчалады Маткеримов.
