Россияда мыйзамдуу болуш үчүн орус мыйзамдарына ылайык бир катар милдеттүү иш-аракеттерди аткаруу керектигин унутпоо маанилүү:
- 30 күндүн ичинде медициналык текшерүүдөн өтүү, ошондой эле дактилоскопиядан өтүп, сүрөт тартуу;
- 30 күндүн ичинде убактылуу жашаган жердеги жергиликтүү миграция органына миграциялык каттоого турушу керек. Эмгек ишмердүүлүгү үчүн Москва жана Москва облусуна келген жарандар "Амина" тиркемеси аркылуу катталат. Үй-бүлө мүчөлөрү жалпы эрежелер боюнча катталууга тийиш;
- Эмгек же жарандык-укуктук келишим түзүү;
- 90 күндүн ичинде эмгек же жарандык-укуктук келишимге негизделип, миграциялык картанын миграциялык органдарында белгилениши аркылуу убактылуу жашоо мөөнөтүн узартуу.