Туманбаев: «Өткөндө айрым жеке авто мектептер айдоочулук күбөлүктөрдү фактически сатканын адилеттүү түрдө моюнуна алуу керек. Бул миңдеген ЖПТ сыяктуу коркунучтуу кесепеттерге алып келди», — деп белгиледи.
Анын айтымында, жолдордогу кырдаал тынчсыздандырат: 2025-жылы 2024-жылга салыштырмалуу ЖПТ жана өлүм учурларынын саны көбөйүүдө. «Биз рулга отурганда, жоопкерчилик бизде гана эмес, жол кыймылына катышкан бардык адамдарда болот. Айдоо — бул чоң жоопкерчилик», — деп баса белгиледи.
Мындан тышкары, Туманбаев жеке авто мектептердин ээлерине жакын арада боло турган өзгөрүүлөр жөнүндө эскертилгенин билдирди. Ал бул авто мектептердин жетекчилери менен «Ынтымак Ордо» жайында жолугушуулар өткөнүн, алар пландалган реформалар жөнүндө кенен маалымат алышканын айтты.
Реформанын негизги аспектилеринин бири билим берүү системасын кайра карап чыгуу болот: эми курсанттар мамлекеттик контролдогу авто мектептерде гана билим ала алышат. Туманбаев бул өзгөрүүлөрдүн бардык жеке авто мектептерге каршы багытталбаганын, тескерисинче, мамлекеттик система үчүн квалификациялуу адистер тартыларын белгиледи.
2026-жылдын февраль айынын ортосунан жаңы окуу планы жана бекитилген стандарттар боюнча арыздарды кабыл алуу башталат. «Бул реформалар эч кимге каршы эмес — адамдардын өмүрүн сактоо үчүн зарыл. Биз сөзсүз тартипти орнототубуз», — деп жыйынтыктады президенттин иш башкаруучусу.
