Украин делегациясынын башчысы Рустем Умеров: «Биз сүйлөшүүлөрдүн жаңы этабына кириштик. Процесс үч тараптуу форматта өтүүдө, андан кийин позицияларды синхрондоштуруу менен өзүнчө топтордо иш жүргүзүү пландалууда», - деп белгиледи.
Россия президентинин басма сөз катчысы Дмитрий Песков Кремль сүйлөшүүлөрдүн жүрүшү боюнча коомдук билдирүүлөрдү жасоону пландаштырбай турганын билдирди. Ал: «Азырынча кандайдыр бир билдирүүлөрдү күтүү туура эмес. Биз аларды пландаштырбайбыз», - деп кошумчалады.
Бул сүйлөшүүлөр экинчи жолу өтүүдө. Биринчи раунд 23-24-январда болду.
Америка делегациясынын курамында Америка президентинин атайын өкүлү Стив Уиткофф жана Дональд Трамптын күйөө баласы Джаред Кушнер катышууда.
Россия тараптан Башкы штабдын Башкы чалгындоо башкармалыгынын начальниги Игорь Костюков, ал эми украин тараптан Улуттук коопсуздук жана коргоо кеңешинин катчысы Рустем Умеров бар.
