Портал freedom.gov дареги боюнча жеткиликтүү болот деп болжолдонууда жана европалык өлкөлөрдүн жана башка региондордун жарандарына өз өкмөттөрү тарабынан коюлган контентке жетүү чектөөлөрүн айланып өтүүгө мүмкүндүк берет.
Reuters агенттигинин бир булагы, долбоордун алкагында интернет-трафикти АКШдан чыгып жаткандай кылып жашыруу үчүн VPN-технологияларын колдонуу мүмкүнчүлүгү талкууланып жатканын белгиледи. Анын айтымында, америкалык бийликтер порталдын колдонуучуларынын аракеттерин көзөмөлдөөнү пландаштырбайт.
Долбоор Мамлекеттик катчынын орун басары Сары Роджерстин жетекчилиги астында жүрүүдө. Башында бул демилгени Мюнхендеги коопсуздук конференциясында сунуштоо пландалган, бирок презентация белгисиз мөөнөткө жылдырылды.
Мамлекеттик департаменттин ичинде бул идея боюнча талаш-тартыштар пайда болду. Кээ бир кызматкерлер жаңы портал аркылуу колдонуучулар экстремисттик же жек көрүүнү козгогон маалыматка жетүү мүмкүнчүлүгүнө ээ болушу мүмкүн деген кооптонууларын билдиришти.
Reuters агенттиги бул кызматтын ишке кириши АКШ президентинин администрациясы менен европалык өнөктөштөрүнүн дипломатиялык мамилелерин кыйындатышы мүмкүн экенин белгилейт, Вашингтондун ЕБ өлкөлөрүнүн жарандарын жергиликтүү мыйзамдарды эске албоого үндөгөндөй таасир калтырат.
