Кыргыз Республикасынын мамлекеттик кызмат жана жергиликтүү өз алдынча башкаруу агенттиги мамлекеттик жана муниципалдык мекемелерде жаш административдик кызмат орундарын түзүү үчүн кадр резервин түзүү конкурсуна баштады.
Мекеменин маалыматы боюнча, конкурстун негизги максаты – профессионалдуу, билимдүү жана жаш адистерди, санариптик жөндөмдөргө ээ болгон адистерди тартуу, ошондой эле талапкерлерди тандоодо ачыктыкты жана адилеттүүлүктү камсыз кылуу.
Жаңы ыкманын артыкчылыктары
Кадр резервине тандоо мамлекеттик «E-Kyzmat» порталы аркылуу электрондук форматта жүргүзүлөт.
Бул система: катышуучулардын убактысын үнөмдөйт; ар бир мекемеге жеке баруунун зарылдыгын жокко чыгарат; кошумча чыгымдарды азайтат; ачыктыкты жана бирдиктүү тандоо процессин камсыз кылат.
Рейтингдик баалоо системасы талапкерлерди алган баллдарына жараша аныктоого мүмкүндүк берет, ал эми эң жогорку натыйжага жеткендер кызматка дайындалууда артыкчылыкка ээ болушат. Бул ыкма неапотизмдин таасирин минималдаштырууга жана меритократияны күчөтүүгө багытталган.
Конкурсту өткөрүүнүн этаптары:
- Документтерди топтоо
- Мыйзам актылары боюнча компьютердик тестирлөө
- Оффлайн же онлайн режиминде интервью.
Мамлекеттик кызмат үчүн талаптар:
- Кыргыз Республикасынын жарандыгы;
- 21 жаштан жогору;
- жогорку билимдин болушу;
- кыргыз тилин билүү деңгээли орто деңгээлден төмөн эмес;
- санариптик жөндөмдөрдүн болушу.
Муниципалдык кызмат үчүн талаптар:
- 18 жаштан жогору;
- жогорку же орто кесиптик билимдин болушу;
- кыргыз тилин билүү деңгээли орто деңгээлден төмөн эмес;
- санариптик жөндөмдөрдүн болушу.
Документтерди кабыл алуу 2-марттан 6-мартка (кошуп алганда) чейин жүргүзүлөт.
Кошумча маалымат www.gov.kg сайтындагы «Вакансиялар» бөлүмүндө жана мамлекеттик «E-Kyzmat» порталында жеткиликтүү.
Байланыш телефондору: 0 (312) 62 04 12, 0 (312) 66 03 37.
