Келишимге кол коюлду
Жогорку Кенештин Аппаратынын жетекчиси Алмасбек Абытов менен Бишкектеги ОБСЕнин Программалык офисинин адам өлчөмү боюнча бөлүмүнүн башчысы Кристофер Блэрдын ортосундагы жолугушуу жакында болуп өттү. Бул тууралуу парламенттин маалымат кызматы маалымдады.
Бул жолугушуунун жүрүшүндө Жогорку Кенеште түзүлө турган билим берүү ресурстук борбору үчүн жабдууларды өткөрүп берүү боюнча келишимге кол коюлду.
Алмасбек Абытов Бишкектеги ОБСЕнин Программалык офисинин өкүлдөрүнө техникалык колдоосу үчүн ыраазычылык билдирди.
Анын айтымында, жаңы жабдуулар эл аралык эксперттер менен онлайн-семинарларды өткөрүү жана жергиликтүү өз алдынча башкаруу органдары менен аймактардын тургундары менен онлайн-жолугушууларды уюштуруу мүмкүнчүлүктөрүн ачат. Бул, өз кезегинде, диалогду жана тажрыйба алмашууну, ошондой эле жарандардын демократиялык процесстерге активдүү катышуусун камсыздайт.
Кристофер Блэр билим берүү ресурстук борбору парламент кызматкерлеринин кесиптик жөндөмдөрүн системалуу түрдө жогорулатуу жана жарандык коом менен өз ара аракеттешүүнү күчөтүү үчүн негиз болот деп кошумчалады.
